"Дәметкен ана" орталығында шырша тойы тойланды
Бүгін «Дәметкен ана» балалар оңалту орталығында жаңа жылдық іс-шара өткізілді. Ерекше балаларға арналған кешке аудан әкімінің орынбасарлары Әділ Қошалақов пен Жарқын Омаров, кент әкімі Шыңғыс Сыдықов, ішкі саясат бөлімінің басшысы Серік Айдаров, жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Зере Метеровалар арнайы келіп, мерекемен құттықтады. Шараға келген ата-аналар мен бүлдіршіндер шырша айналып, өнерлерін көрсетіп, қызықты ойындар ойнады. 
Мекеме құрылтайшылары Зарқұм Сартайұлы мен Дина Базаралықызы да балғындардың қуанышына ортақтасты. Балаларға арнайы сыйлықтар тапсырылды. Ата-аналар бұл шараға ризашылығын білдіріп, алғыстарын жаудырды.
