«ЖОМАРТ ЖҮРЕК» СЫЙЛЫҒЫНЫҢ «ЖЫЛ ТҰЛҒАСЫ» НОМИНАЦИЯСЫНЫҢ ИЕГЕРІ Қармақшы ауданының Құрметті азаматы, «Дәметкен» жеке қайырымдылық қорының құрылтайшысы, Бекжанов Зарқұм Сартайұлы. Зарқұм Сартайұлы 1978 жылдан бері Алматы қаласында тұрады. «Туған өлке» жобасы аясында жолдасы Исмайлова Дина Базаралықызы екеуі «Дәметкен» жеке қайырымдылық қорын құрып, 2017 жылдың желтоқсан айында аудан және облыс әкімінің қолдауымен Жосалы кентінің орталығынан өз қаражатына мүмкіндігі шектеулі балаларға арналған» Дәметкен» инклюзивті мәдени-сауықтыру балалар орталығын салып, 2019 жылдың 1 маусымында пайдалануға берілді.
Орталықта емдік денешынықтыру, арт-терапия, логопед және психология кабинеттері, компьютерлік сынып бар. Қызметтің негізгі бағыттары – бекітілген стандарт пен ережелерге сәйкес әлеуметтік-тұрмыстық, әлеуметтік-медициналық, әлеуметтік-педагогикалық, әлеуметтік-еңбек, әлеуметтік-мәдени, әлеуметтік-құқықтық қызмет көрсету. Қызметтің барлық түрі тегін.