АУДАНЫМЫЗДА ЕРЕКШЕ ЖАҒДАЙДАҒЫ БАЛАЛАРДЫҢ ШЫРШАСЫ ӨТТІ

Жаңа жыл мерекесі қарсаңында «Аңсаған» мүмкіндігі шектеулі балалар» қоғамдық бірлестігінің ұйымдастыруымен ерекше жағдайдағы балалардың Жаңа жылдық шыршасы өтті. Мерекелік шараның алғы сөзін аудан ішкі саясат бөлімінің басшысы С.Айдаров алып, ата-аналарды және балаларды келе жатқан Жаңа жыл мерекесімен құттықтады.

Шара барысында ән шырқалып, шараға қатысушылар өз өнерлерін Аяз Ата мен Қаршақызға көрсетіп, түрлі сыйлықтарға ие болды. Шыршаны айнала билеген бүлдіршіндердің қуанышында шек болмады.

Сондай-ақ, мерекелік шара барысында «Аңсаған» қоғамдық бірлестігінің төрайымы Бақыткүл Кәртайқызы Райымбаеваға Қармақшы ауданының 90 жылдық мерекелік төсбелгісі табыс етілді.