Қармақшы ауданының әкімі Қайрат Ырзақұлұлы «АРДИ» мүгедек балалар ата-аналары қауымдастығы өкілдерімен және «Дәметкен» жеке қайырымдылық қоры құрылтайшыларымен кездесті.
Кездесу барысында Қармақшы ауданындағы мүмкіндігі шектеулі балаларды оңалту мәселелері талқыланды.
Аудан бойынша оңалтуды қажет ететін 160 мүмкіндігі шектеулі балалар бар.
Оларды оңалту бойынша, ауданда «Альтаир-Бобек» қоғамдық қоры және «Дәметкен» жеке қайырымдылық қоры жұмыс жасайды.
Сондай-ақ, жиында аудан әкімі «Дәметкен» жеке қайырымдылық қорының құрылтайшылары, Қазақ көлік және коммуникациялар академиясының профессоры Зарқұм Сартайұлы мен жолдасы, Қазақ Ұлттық медициналық университетінің бала аурулары кафедрасының доценті, медицина ғылымдарының кандидаты, ҚР «Алтын дәрігер» белгісінің иегері Дина Базаралықызына зейнеткерлік жасына қарамай елдің дамуына үлес қосып, ауданда мүмкіндігі шектеулі балаларды оңалту бағытындағы атқарып жатқан игі жұмыстарына алғысын білдірді.
Жиын соңында, мүмкіндігі шектеулі балаларға барынша қолайлы орта қалыптастыру, оларды қоғамға бейімдеу арқылы сауықтыру және қазіргі заман талаптарына сай қажетті құрал-жабдықтармен қамтылған оңалту оралықтарымен қамтамасыз ету жөнінде ұсыныстар айтылып, осы салаға жауапты бөлімдерге нақты тапсырмалар берілді.