"Аңсаған" мүмкіндігі шектеулі балалар қоғамдық бірлестігі мүмкіндігі шектеулі балалар мен жұмыссыз әйелдерге арналған тігін және пішуді оқыту жобасын іске асырды. Жоба ҚР Ақпарат және қоғамдық даму министрлігінің "Азаматтық бастамаларды қолдау орталығы" КЕАҚ-ның "Қызылорда облысындағы ауылдық ҮЕҰ әлеуетін арттыру" мемлекеттік гранты шеңберінде жүзеге асты. Ұйым мүмкіндігі шектеулі балаларды, әсіресе мүгедек балалардың аналарын ұлттық қолөнерді оқытуға және тәрбиелеуге бағытталған. Жоба барысында 13 мүмкіндігі шектеулі баланың анасы және 30 жұмыссыз әйел кесу және тігу, сондай-ақ қолөнер шеберлігіне оқытылды. "Аңсаған" ҚБ мемлекеттік гранттардың тиімділігі мен маңыздылығын жоғары бағалайды. Өйткені олар азаматтық бастамаларды іске асыруға және ауылдық жерлерде ҮЕҰ мен бастамашыл топтардың әлеуетін арттыруға мүмкіндік береді. Бұл грант "Аңсаған" Қоғамдық бірлестігіне ұлттық өнерді дамытуға, халықтың әл-ауқатын жақсартуға өзіндік үлесін қосты.