Төретам кентінде аудан әкімінің кезекті есепті кездесуі

Аудан басшысы Әділбек Бөрібайұлының аудан тұрғындарымен өткізген келесі кезектегі есеп беру жиыны Төретам кентінде жалғасты

Алдымен кент әкімі Ғалымжан Елеусінов кентте 3 тоқсан бойынша атқарылған жұмыстарды саралап, келер жылға мақсатталған жобаларды баяндады.

Содан соң сөз алған аудан басшысы Әділбек Ерсұлтанов төретамдықтарды өңірде жүзеге асырылып жатқан жағымды жаңалықтармен қанықтырды. Оның ішінде көшелерді жарықтандыру, күтіп ұстау, елді мекенді газдандыру және тұрғындар әлеуетін арттыруға арналған басқа да жобаларға тоқталды.

Есепті кездесуде кент тұрғындары Жағыпар Арқабаев, Әділбек Өтебаев, Өмірбек Әзірбаев, Меткүл Аралбаева, Смағұл Аралбаев, Әділбай Нұрадинов көптен көкейлерінде жүрген сауалдарын қойып, аудан, кент әкімдерінің тұщымды жауаптарын алды.