qarmaqshy-tany.kz Аудан әкімі Әділбек Ерсұлтановтың аудан тұрғындарымен есепті кездесуі ІІІ Интернационал елді мекенінде жалғасты.

Кездесуде ауыл әкімі Нұрлыбек Сайымов есепті кезең бойынша ауыл экономикасы мен тұрғындар әлеуетін арттыруға арналған және жоспарланған жобалар аясында атқарылған жұмыстарды баяндап, оның ішінде кәсіпкерлік, спорт, ауылшаруашылығы, білім, сонымен қатар басқа да саладағы жетістіктер мен алдағы уақытқа мақсатталған жоспарларды сөз етті.

Содан соң сөз алған аудан басшысы Әділбек Ерсұлтанов жыл көлемінде ауданда 9 айда өңір экономикасын нығайтуға, халқының әл-ауқатын арттыруға мақсатталған жұмыстар және оның орындалуы жайлы баяндады. Ағымдағы жылы аудандағы ел мүддесіне арналған жағымды жаңалықтарды жария етті.

Есепті кездесуде Рамиз Даврушов, Сайлау Мұхтаров, Крайбек Тоқабаев, Алтай Мусаханов және басқалар ауыл тұрғындарының көптен көкейінде жүрген сұрақтарын қойып, тұрғындар тарапынан көтерілген сұрақтар бойынша аудан әкімі тұщымды жауабын берді.