Аудан әкімінің кезекті есепті кездесуі
qarmaqshy-tany.kz Аудан әкімі Әділбек Ерсұлтановтың аудан тұрғындарымен 3 тоқсан бойынша есеп беру жиыны Ақай ауылында өтті.
Жиында ауыл әкімі Эльвира Қазиева ауылдық округ бойынша есепті кезеңде аткарылған жұмыстарды саралап, алдағы жылға мақсатталған жоспарларды тізбектеді.
Содан соң сөз кезегін алған аудан басшысы Әділбек Ерсұлтанов ауыл тұрғындарын өңір жаңалықтарымен таныстырды және Ақай ауылы бойынша жүзеге асырылып жатқан жобалар, оның ішінде туғандар тарапынан көптен көтеріліп жүрген тұрғын үйлерге газ орнату мәселесі шешімін тауып, бүгінде ол жұмыс ойдағыдай орындалып жатқанын, сонымен қатар ауыл орталығында денешынықтыру және сауықтыру кешен салынып жатқанын жеткізді.
Есепті кездесуде ауыл тұрғындары ит ату, аяқ су мен жарық бағасы мәселесі бойынша талап-шағымдарын жеткізіп, мамандар тарапынан нақты жауаптарын алды.
Есепті кездесу соңында аудан әкімі Әділбек Ерсұлтанов ауыл тұрғындарын өтініштері бойынша қабылдады.
