qarmaqshy-tany.kz  Аудан әкімі Әділбек Ерсұлтанов  ауданда есепті кезеңде  атқарылған жұмыстар туралы есепті кездесуі Иіркөл ауылында өтті.

Кездесуде өңір басшысы Әділбек Бөрібайұлы аудан бойынша ауыл тұрғындардың әл-ауқатын арттыру мақсатында атқарылған жұмыстарды саралап, алдағы жылға жоспарланған жобаларды баяндады. Сонымен қатар аудан басшысы Әділбек Ерсұлтанов Иіркөл ауылында биыл тұрғындардың әлеуетін арттыруға бағытталған жобалар жайында, оның ішінде  электр желілерін жөндеу және биыл Достық көшесін жарықтандыру, сонымен қатар алдағы жылы балалар ойын алаңын салу жоспарлануда екенін жеткізді.

Есепті кездесуде ауыл тұрғындары - Есмахан Бекмаханов, Мұхтар Жұматаев, өздерінің көптен көкейінде жүрген сауалдарын қойып, нақты жауаптарын берді.

Кездесу соңында аудан басшысы Әділбек Ерсұлтанов тұрғындар арасында жеке мәселелері бойынша  қабылдау өткізді.