Есепті кездесу өткізілді

qarmaqshy-tany.kz "Әкімдердің халықпен кездесулерін өткізу туралы" Қазақстан Республикасы Президентінің 2022 жылғы 3 наурыздағы №826 жарлығына сәйкес Қармақшы ауданының әкімі Ерсұлтанов Әділбек Бөрібайұлы және Ақжар ауылдық округі әкімі Тұрсынбаева Нұржамал Бектайқызының ауыл тұрғындары алдындағы кезекті есепті кездесуі өткізілді.

Аудан әкімі алдымен «Ораз Ахун» ЖШС демеушілігімен салынған қоғамдық монша жанынан ашылған, мемлекеттік грант иегері, жеке кәсіпкер Дәулетбаева Ақеркенің шаштараз жұмысымен танысты.

Одан әрі, ауылдық клуб үйінде ауыл әкімі 2022 жылдың 9 айында атқарылған жұмыстары барысымен таныстырса, Қармақшы ауданының әкімі Ә.Ерсұлтанов аудан көлемінде атқарылған жұмыстар жөнінде хабарлама жасады.

Кездесу соңында ауыл тұрғындары алғыстарын білдіріп, алдағы атқарылатын жұмыстарға сәттілік тіледі.