Ауыл тұрғындарымен кездесу өткізді
qarmaqshy-tany.kz Бүгін аудан әкімі Әділбек Ерсұлтанов ауданның әлеуметтік-эконмикалық қорытындылары мен алдағы атқарылатын жұмыстары жөнінде және ауыл әкімі Ардақ Аймырзаевтың ауылдық округте 9 ай көлемінде атқарған жұмыстары есебі «Әкімдердің халықпен кездесулерін өткізу туралы» Қазақстан Республикасы Президентінің 2022 жылғы 3 наурыздағы №826 Жарлығына сәйкес Қуаңдария ауылдық округінің клуб үйінде өткізілді.
Кездесуде аудан әкімі Әділбек Бөрібайұлы 2022 жылдың 9 айында ауданның макроэкономикалық көрсеткіштеріне тоқталып, Қуаңдария ауылы бойынша атқарылған жұмыстарды атап өтті.
Сондай-ақ, аудан әкімімен бірге ауыл әкімі А.Аймырзаев ауылдық округ бойынша тиісінше атқарылған жұмыстарды тұрғындарға баяндады.
Кездесуде сөз алған ардагерлер кеңесінің төрағасы Е.Дүйсебаев Қуаңдария ауылдық округінде жасалып жатқан жұмыстарға оң баға беретінін айтты.
Кездесуден кейін аудан әкімі тұрғындардың ұсыныс-пікірлерін мұқият назарға алып, олардың оңтайлы шешілу жолдары қарастырылатынын жеткізді.
