Аудан басшысы ауыл тұрғындарымен жүздесті
Аудан әкімі Ерсұлтанов Әділбек Бөрібайұлы аудан орталығынан шалғай орналасқан Т.Көмекбаев және Қуаңдария ауылдық округтері әкімдерінің халықпен кездесулеріне қатысты.
Кездесу барысында аудан басшысы өңірдегі оң өзгерістер мен атқарылған жұмыстарға тоқталып, ауылдың жағдайы және халықтың тұрмыстық әл-ауқатын көтеру мәселесі жайлы сөз қозғады.
Сондай-ақ, кездесуде ауылдық округ әкімдерінің «2022 жылдың І тоқсанда атқарған жұмыстары мен алдағы жоспарлары туралы» баяндамалары тыңдалды.
Жиында ауыл тұрғындары аудан әкіміне Қуаңдария ауылына кіре-беріс және Т.Көмекбаев ауылы бағытындағы көпірге жөндеу жұмыстарын жүргізу, ауылға аяқ-су жеткізу үшін гидротехникалық нысандар салу мәселелері бойынша талап-тілектерін білдірді.
Аудан басшысы тұрғындардың ұсыныс-пікірлерін мұқият тыңдай келе алдағы уақытта кезең-кезеңімен шешу жолдарын қарастыратынын жеткізді.
