«Үйде әлеуметтік қызмет көрсету»
qarmaqshy-tany.kz 2022 жылдың 24 қарашасында Қармақшы аудандық тарихи-өлкетану музейінде аудандық жұмыспен қамту, әлеуметтік бағдарламалар және азаматтық хал актілерін тіркеу бөліміне қарасты «Үйде әлеуметтік қызмет көрсету» бөлімшесінің қызметкерлері, қызмет алушы балалар мен ата-аналарының қатысуымен «Туған өлке» атты іс-шара өткізілді.
Аталған іс-шараның мақсаты - қызмет алушыларды тарихи-мәдени құнды жәдігерлермен таныстырып, болашақ ұрпаққа туған өлке құндылықтарын насихаттау. Іс-шара барысында музей меңгерушісі Т.Леденов қызмет алушыларды музей жәдігерлерімен таныстырып, өз тарапынан дайындаған сый-сияпатын жасады. Ата-аналар да дән ризашылығын білдіріп, жақсы көңіл-күймен тарқасты.
