1 наурыз – Алғыс айту күніне орай Қармақшы аудандық тарихи-өлкетану музейінің ұйымдастыруымен «Алғыс, бата ал» атты қайырымдылық шарасы өткізілді. Аталмыш шараның мақсаты кент тұрғыны зейнеткер, жалғыз басты ана Күлшат Аябекова апамызға көмек көрсету болды.
Игі шараға музей қызметкерлері ат салысып, Күлшат апамыздың ауласында тазалық, күл-қоқыс жинау, аяқ-су арықтарын тазалау және басқада тиісті көмек көрсету жұмыстарын жүргізді. Күлшат апа көрсетілген көмекке өз ризашылығын білдіріп, ақ батасын берді.