«Өткен мен болашақ арасында»

qarmaqshy-tany.kz Ағымдағы жылдың 2-4 қараша күндері Қарағанды облыстық тарихи-өлкетану музейінің 90 жылдық мерейтойы аталып өтті. Мерейтой аясында «Өткен мен болашақ арасында» атты еліміздің 17 музей қорынан этнографиялық және археологиялық құнды жәдігерлер көрмесі және музей жұмысының жоғары кәсіби стандарттарын, Қазақстан музейлерінің өзара іс-қимылы мен мәдени байланыстарын дамыту мақсатында «Музей педагогикасы: дәстүрлер мен инновациялар» халықаралық семинар-тренингі өткізілді. Атаулы шараға көршілес Ресейден сондай-ақ еліміздің әр өңірінен музей қызметкерлерімен бірге Қызылорда облыстық тарихи-өлкетану музейінің «Археология және этнография» бөлімінің меңгерушісі Айгерім Беккулиева мен Қармақшы аудандық тарихи-өлкетану музейінің меңгерушісі Тимур Леденёв құрметті қонақ ретінде қатысты. Мерейтойға қатысушылар шараның жоғары деңгейде өткеніне ризашылықтарын білдіріп, музей ұжымына қызметтік табыс тілеп, алғыстарын жеткізді.