qarmaqshy-tany.kz  Ағымдағы жылдың қазан айының 31-ші жұлдызында аудан әкімі орынбасарының төрағалығымен аудан әкімдігі жанындағы кәмелетке толмағандардың істері және олардың құқықтарын қорғау жөніндегі аудандық комиссиясының кезекті отырысы өткізілді.

Күн тәртібінде өзекті деген бірнеше мәселе қаралды. Алдымен аудандық полиция бөлімінің Жергілікті полиция қызметі бөлімшесінің бастығы полиция майоры Палжанов Ербол Хабибуллаұлы кәмелетке толмағандар арасындағы құқық бұзушылықтың ахуалы, аудан бойынша жайсыз отбасы санатына жататын 11 отбасында 27 кәмелетке толмаған бала бар екендігі жайлы айта келіп, олармен бөлімнің Ювеналды полиция тобының УПИ-ры және Әйелдерді зорлық-зомбылықтан қорғау тобы қызметкерімен атқарылып жатқан жұмыстар туралы өз баяндамасында кеңінен тоқталып өтті.

Отырыста қаралған мәселелерге орай комиссия мүшелері өздерінің ұсыныс-пікірлерін ортаға салды. Комиссия отырысының төрағасы жалпы осы бағыттағы жұмыстарды жандандыру керектігін тапсырды.