Аудан әкімінің орынбасары Жұлдызхан Байназарұлының төрағалығымен аудан әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның кезекті отырысы өтті. Отырысқа комиссия мүшелері, құқық қорғау органдарының басшылары қатысты.

Комиссия отырысының күн тәртібіне сәйкес жиында «Балалардың бос уақытын тиімді ұйымдастыру және олардың мәдениет, спорт ұйымдарына қолжетімділігін арттыру» жөніндегі аудандық дене шынықтыру және спорт, аудандық мәдениет және тілдерді дамыту бөлімдері басшыларының, сондай-ақ «Бала еңбегін қанауға қарсы 12 күн» Ұлттық ақпараттық науқаны аясында өткізілген жұмыстардың қорытындысы туралы аудандық білім және полиция бөлімдерінің жауапты қызметкерлерінің баяндамалары тыңдалды.

Отырыста қаралған мәселелерге орай комиссия мүшелері өздерінің ұсыныс-пікірлерін ортаға салды.

Комиссия төрағасы Жұлдызхан Ерқосаев тиісті сала басшыларына кәмелетке толмағандардың профилактикасын күшейту, жасөспірімдер арасында құқық бұзушылықтың алдын алу, балалардың жазғы демалыс кезіндегі бос уақытын тиімді ұйымдастыру, оларды түрлі спорттық және мәдени көпшілік іс-шараларға қатыстыру жөнінде тапсырмалар берді.