Кеше аудан әкімінің орынбасары Жұлдызхан Байназарұлының төрағалығымен кәмелетке толмағандардың ісі және олардың құқықтарын қорғау жөніндегі аудандық комиссия отырысы өтті.

Комиссия отырысының күн тәртібінде «Кәмелетке толмағандар арасындағы суицид (тәуекел топ) және нашақорлықтың алдын алу профилактикасы, сондай-ақ мектептердегі психологтардың жұмыстарының барысы туралы» Қармақшы аудандық білім бөлімінің әдіскері А.Тоқшылықованың, «Кәмелетке толмаған балалар мен жасөспірімдердің мәдениет және өнер мекемелеріне қолжетімдігі туралы» аудандық мәдениет және тілдерді дамыту бөлімінің басшысы Д.Ержановтің баяндамалары тыңдалды.

Мәжіліс соңында аудан әкімінің орынбасары Ж.Ерқосаев комиссия мүшелерінің қозғалған мәселелер жайлы ұсыныс-пікірлерін тыңдап, алда атқарылатын жұмыстар бойынша тиісті сала басшыларына нақты тапсырмалар берді.