Қармақшы ауданы әкімдігі жанындағы кәмелетке толмағандардың ісі және олардың құқықтарын қорғау жөніндегі комиссияның отырысы өтті.
Комиссия отырысын Қармақшы ауданы әкімінің орынбасары Ж. Омаров жүргізіп отырды.
Жиынға комиссия мүшелері, құқық қорғау органдарының басшылары қатысты.
Күн тәртібіндегі бірінші мәселе бойынша құқық бұзушылықтың профилактикалық шаралары туралы аудандық полиция бөлімінің жергілікті полиция қызметі бөлімшесінің бастығы О. Ешжановтың хабарламасы тыңдалды. Жиындағы екінші мәселе бойынша құқық бұзушылық пен суицидтің және нашақорлықтың алдын алу жұмыстары туралы Қармақшы аграрлы – техникалық колледжінің директоры Б. Сайдуллаев баяндама жасады.
Сонымен бірге күн тәртібіндегі қосымша мәселелер бойынша №183 орта мектебінің директоры Г. Әшірованың хабарламасы тыңдалды.
Комиссия отырысының барысында аудан әкімінің орынбасары құқық бұзушылықтың алдын алу және болдырмау мақсатында жұмыстарды күшейтуді, кәмелетке толмағандар арасында су қауіпсіздігінен сақтану бойынша профилактикалық шараларды үнемі бақылауда ұстауды, түнгі уақытта жасөспірімдердің беймезгіл жүрмеуін қадағалуды тиісті сала басшыларына нақылап тапсырды. Жиын қорытындысында комиссия мүшелерінің ұсыныс пікірлері тыңдалып, хаттамаға енгізілді.
Қармақшы ауданы әкімінің баспасөз қызметі
