Қармақшы ауданы әкімдігінің мәжіліс залында кәмелетке толмағандардың ісі және олардың құқықтарын қорғау жөніндегі аудан әкімі жанындағы комиссия отырысы өтті.

Жиынды аудан әкімінің орынбасары Жарқын Тұрмаханұлы ашып, жүргізіп отырды.

Комиссия отырысына аудандық прокуратурасының өкілі Есетов Ернұр Әскерұлы, Қармақшы аудандық полиция бөлімінің жергілікті полиция қызметі бөлімшесінің бастығы Ешжанов Оспан Қосжанұлы, үкіметтік емес ұйымдардың өкілдері, комиссия мүшелері қатысты.

Аграрлық техникалық колледжінің директоры Б.Сайдуллаұлы және аудандық полиция бөлімінің жергілікті полиция қызметі бөлімшесінің бастығы О.Ешжанов кәмелетке толмағандар арасындағы құқық бұзушылық профилактикасы және кәмелетке толмағандарға қарсы жасалған қылмыстар туралы хабарламасы тыңдалды.

Сонымен қатар жиын барысында аудандық білім бөлімінің басшысы Д.Нәзібаев өз пікірлерін білдіріп, ойларын ортаға салды.

Жиынды қорытындылаған аудан әкімінің орынбасары Жарқын Тұрмаханұлы жасөспірімдер мен оқушылардың қауіпсіздігін, жастардың жат әдет-қылықтардын аулақ болуын, олардың құқықтарының қорғалуын жауапты мекемелердің ұдайы назарында болу қажеттігін айтып, тиісті сала басшыларына нақты тапсырмалар жүктеді.