Аудандық комиссияның кезекті отырысы өтті

Аудан әкімінің орынбасары Жұлдызхан Байназарұлының төрағалығымен аудан әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның кезекті отырысы өтті.

Отырысқа комиссия мүшелері, құқық қорғау органдарының және білім беру ұйымдарының басшылары және ата-аналар мен оқушылар қатысты.

Күн тәртібінде кәмелетке толмағандардың, оның ішінде полиция бөлімінің есебінде тұрған жасөспірімдердің бос уақытын ұйымдастыру және суицид профилактикасы, «тәуекел тобындағы» балалар мен жасөспірімдерге көмек көрсетудің бірлескен жұмыстары талқыланды.

Жиында комиссия төрағасы Ж.Ерқосаев аудандағы мүдделі мемлекеттік орган басшыларына кәмелетке толмағандардың өмір қауіпсіздігін сақтау, құқық-бұзушылықтың алдын-алу мақатында профилактикалық жұмыстарды күшейту бойынша нақты тапсырмалар берді.