Жуырда аудан әкімінің орынбасары Жұлдызхан Байназарұлының төрағалығымен аудан әкімдігі жанындағы кәмелетке толмағандардың ісі және олардың құқықтарын қорғау жөніндегі комиссия отырысы өтті.

Күн тәртібіне сәйкес «Аудан бойынша жоғары сынып оқушылары арасында топтық төбелестің алдын-алу бағытында атқарылған жұмыстар туралы» аудандық білім бөлімінің тәрбие саласы бойынша әдіскері А.Тоқшылықованың хабарламасы тыңдалды.

Комиссия төрағасы Ж.Ерқосаев жасөспірімдерге қауіпсіз өмірді қамтамасыз ету үшін тиісті сала басшыларына құқық бұзушылықтың алдын-алу профилактикалық іс-шараларын күшейтуді тапсырды.

Сондай-ақ, жиында Қармақшы аудандық аграрлы-техникалық колледжі, №26, №183, №105 орта мектеп басшыларының «аудандық полиция бөлімінде профилактикалық есепте тұрған кәмелетке толмаған жасөспірімдермен атқарылып жатқан профилактикалық шаралар туралы»  баяндамалары тыңдалды.

Мәжіліс соңында аудан әкімінің орынбасары Ж.Ерқосаев комиссия мүшелерінің қозғалған мәселелер жайлы ұсыныс-пікірлерін тыңдап, алда атқарылатын жұмыстар бойынша жауапты мемлекеттік органдарға нақты тапсырмалар берді.