Терроризмге қарсы комиссияның кезекті отырысы өткізілді
Қармақшы аудан әкімі Әділбек Ерсұлтановтың төрағалығымен терроризмге қарсы комиссияның кезекті отырысы өтті. Оған аудан әкімінің орынбасары, аудан әкімі аппаратының басшысы, құқық қорғау органдары мен салалық бөлім басшылары және бірқатар кент, ауылдық округ әкімдері қатысты.
Отырыстың күн тәртібінде «Жастар, маргинал жастар және өз бетінше еңбекпен қамтылған жастар арасындағы діни экстремизм мен терроризм профилактикасы.
Ақпараттық-түсіндірмелік топтың нысаналы ортамен жұмыс жүргізу тиімділігі. Сала бойынша мемлекеттік әлеуметтік жобаның жүзеге асырылуы туралы. Орын алған проблемалар және ұсыныстар» және «Білім беру мекемелерінде діни, оның ішінде, шетелдерге оқуға ниеттеніп жүрген жасөспірімдерді анықтау және тиісті жұмысты ұйымдастыру туралы. Шетелде діни білім алудың қауіптілігін интернет кеңістігіндегі, БАҚ-да түсіндіру шараларының нәтижелері» туралы сұрақтар қаралып, сала бойынша жұмыстарды жетілдіруге бағытталған ұсыныстар талқыланды.
