Бүгін аудан әкімі Әділбек Ерсұлтановтың төрағалығымен әкімдік жанындағы жастар істері жөніндегі кеңес отырысы өтті. Басқосуға дербес бөлім мен мекеме басшылары, кент және ауылдық округ әкімдері қатысты.

Күн тәртібінде қаралған негізгі мәселе – «NEET» санатындағы жастармен атқарылған жұмыстар, Төретам кенті және Ақай ауылдық округінде мемлекеттік жастар саясатының жүзеге асырылу барысы туралы тиісті сала басшыларының қатысуымен баяндама жасалды.

Жиында аудан басшысы Әділбек Бөрібайұлы жастар арасында топтық төбелестің алдын алу, жұмыссыздықты азайтып, жас кәсіпкерлердің қатарын көбейтіп, оның ішінде ауыл жастарын бау-бақша егуіне жағдай жасау қажет екенін тілге тиек етіп, жастар ресурстық орталығы директорына, кент және ауылдық округ әкімдері мен дербес бөлім басшыларына бірқатар тапсырмалар жүктеді.