Биыл мемлекеттік рәміздердің қабылданғанына 30 жыл

Кеше аудан әкімі Әділбек Ерсұлтановтың төрағалығымен аудан әкімдігі жанындағы Мемлекеттік рәміздер жөніндегі комиссия отырысы өтті. Оған Комиссия мүшелері, аудандық бөлім басшылары және кент, ауылдық округ әкімдері қатысты.

Күн тәртібінде Жосалы, Иіркөл ауылдық округ әкімдері мен аудандық дене шынықтыру және спорт бөлімі басшысының Мемлекеттік рәміздерді пайдалану, қолдану және насихатау жұмыстары туралы баяндамалары тыңдалды.

Отырыс соңында аудан басшысы әрбір азамат Мемлекеттік рәміздердің мәні мен маңыздылығын түсініп, оны құрметтеуді азаматтық парызы деп білуі керек екенін атап өтіп, тиісті бөлім басшыларына насихаттық жұмыстарды күшейтуді тапсырды.

Сондай-ақ, аудандық ішкі саясат бөліміне биылғы жылы – Мемлекеттік рәміздердің қабылданғанына 30 жылдығын атап өту бойынша іс-шаралар жоспарын әзірлеп, лайықты деңгейде атап өту жөнінде нақты міндеттер жүктеді.