КОМИССИЯ ОТЫРЫСЫ
Жақында аудан әкімдігінің мәжіліс залында аудандық терроризмге қарсы комиссияның кезекті отырысы өтті.
Аудан әкімі Сұлтан Мақашовтың төрағалығымен өткен отырыста қаралған мәселелер бойынша, оның ішінде ҚР ҰҚК Қызылорда облысы және Байқоңыр қаласы бойынша департаменті Қармақшы аудандық бөлімшесінің қызметкері Нұрсұлтан Әуесбаевтың «Діни экстремизм және терроризмге қарсы арнайы құрылған аудандық жедел штабтың жұмысы туралы» хабарламасы тыңдалып, өңір бойынша атқарылған жұмыстар сараланды.
Жиында қаралған басқа да мәселелер, аудандық мәдениет және тілдерді дамыту бөлімінің басшысы Нұршат Наурызбаева, аудандық денешынықтыру және спорт бөлімінің басшысы Нұрбол Мырзабаев, сонымен бірге амбулаториялық-емханалық қызметі бар аудандық орталық аурухананың бас дәрігері Жайлыбай Құдайбергеновтың тиісті салаларда айтулы тақырып бойынша хабарламалары тыңдалды.
Комиссия отырысында аудан әкімі Сұлтан Мақашов оның күн тәртібінде көтерілген мәселелер бойынша пікірін білдіріп, орындалуын жауапты мамандарға тапсырды.
Нұрбай ӘБІЛАХАТҰЛЫ,
«Қармақшы таңы».
