ЖЕМҚОРЛЫҚ – АТАДАН ҚАЛҒАН МҰРА ЕМЕС
Жақында аудан әкімдігінің мәжіліс залында ҚР Мемлекеттік қызмет істер және сыбайлас жемқорлыққа қарсы іс-қимыл агенттігінің Қызылорда облысы бойынша департаменті қызметкерлерінің қатысуымен аудандық арнайы мониторингтік тобы отырысы өтті.
Топ төрағасы Әбдірахман Құлдүйсеновтің төрағалығымен өткен отырыста ҚР мемлекеттік істер және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің сыбайлас жемқорлық профилактикасы басқармасының бас маманы Нұғыман Жакудаев «Қызылорда облысы бойынша сыбайлас жемқорлық бағытында атқарылып жатқан жұмыстар жайлы» хабарлама жасап, елімізде, оның ішінде аймағымызда сыбайлас жемқорлықтың алдын алу шараларын жасауда арнайы мониторингтік топтың алдында тұрған міндетті сараптап, атқарылып жатқан жұмыстар барысымен таныстырды. Сонымен бірге, бұл бағытта Қармақшы ауданында құрылған арнайы топтың атқарған жұмыстарына оң бағасын берді.
Келесі кезекте Жосалы кенті әкімінің міндетін уақытша атқарушы Шыңғыс Сыдықовтың «ҚР-ның 2015-2025 жылдарға арналған сыбайлас жемқорлыққа қарсы стратегиясының Жосалы кенті әкімдігінде және оған қарасты кәсіпорын мен квазимемлекеттік сектор субъектілерінде іске асырылуы» атты хабарламасы тыңдалды. Хабарламашы өзі басшылық еткен мекеме бойынша тақырып аясында атқарылып жатқан жұмыстарды саралап, жоспарларға сөз берді.
Отырыс соңы оған қатысушылардың ұсыныс-пікірлері мен ортаға салған ойларымен тәмамдалды.
Н.ӘБІЛАХАТҰЛЫ,
«Қармақшы таңы».
