ТЫҢ ЖОСПАР СЕРПІНГЕ БАСТАЙДЫ
Жуырда Жосалы кентінде аудандық мәслихаттың кезектен тыс ХVІІІ сессиясы өтті. Аудандық мәслихат депутатыЖұмагүл Тілеуғабылованың төрағалығымен өткен сессияда «2018-2020 жылдарға арналған кенттер, ауылдық округтер бюджеттері туралы» аудандық экономика және бюджеттік жоспарлау бөлімінің басшысы Аққозбек Байсынов хабарлама жасап, онда алдағы жылдары аудан құрамындағы кенттер мен ауылдық округтердің экономикалық дамуы жолындаатқарылар шаралардың жоспарын баяндады.
Сондай-ақ, сессияда қаралған екінші мәселе, яғни аудандық мәслихат хатшысы Марат Наятұлының №11 «Гагарин» сайлау округінен сайланған депутат Күлжауһар Раеваны аудандық мәслихаттың кезекті ХІХ сессиясының төрағалығына ұсынысын барлық депутаттар бірауыздан қолдады.
Сессияда аудан әкімінің орынбасары Әділ Қошалақов көтерілген мәселелер бойынша сөз сөйлеп, депуттатар тарапынан қойылған сауалдарға тұщымды жауап берді.
Сессияда қаралған мәселелер бойынша шешімдер қабылданды.
Сессия алдында тұрақты комиссиялардың бірлескен отырысы өткізілді.
Нұрбай ЖАНӘДІЛОВ.
