Діни экстремизм – рухани дағдарыс
Қазақстан Республикасында діни экстремизм мен терроризмге қарсы іс-қимыл жөніндегі 2018-2022 жылдарға арналған мемлекеттік бағдарлама аясында терроризмге қарсы күрес бағытында "Діни экстремизм - рухани дағдарыс" атты дөңгелек үстел өткізілді. ҚР діни экстремизм мен терроризмге қарсы іс-қимыл жөніндегі 2018-2022 жылдарға арналған мемлекеттік бағдарламаның негізгі мақсаты: діни экстремизмнің зорлық-зомбылық көріністері мен терроризмнің қауіптерінен адамның, қоғамның және мемлекеттің қауіпсіздігін қамтамасыз ету. Бағдарламаның негізгі бағыттары, қойылған мақсаттарына қол жеткізу жолдары және тиісті шаралары мен төрт міндеттерден тұрады. Интернет және әлеуметтік желілер арқылы радикалдық идеологияға қарсы идеяларның қауіптілігін түсінуіміз аса маңызды. Жастар үшін ақпараттық-түсіндіру жұмыстары жүргізілуі қажет. Халыққа діни қатынастар саласында консультативтік көмек көрсету бойынша бірыңғай республикалық "114-қауырт желісі" жұмыс жасайды. Дөңгелек үстелді Дауылкөл ауылдық округі әкімі аппаратының бас маманы Б.Алмағанбетов жүргізіп, қатысушылар өз ой пікірлерін ортаға салды. Терроризм актісінің алдын алуға және жолын кесуге көмектесетін ақпаратты арнаулы мемлекеттік және құқықтық қорғау органдарына хабарлап, теолог мамандары халықпен ақпараттық-түсіндіру жұмыстары субъектілерін жүргізсе, елімізде діни экстремизм мен терроризмнің профилактикасы шараларын жетілдіруге қол жеткізілетін болады.
