Кітап көрмесі өтті
2022 жылдың 6 қыркүйек күні Академик С.А.Джиенкулов Атындағы Байқоңыр жоғары Колледжі білім беру мекемесінің кітапханашысы Қымбат Бердеш апайымыздың ұйымдастыруымен "Бірінші курс студенттері сіздер үшін" атты 1 курс білімгерлерін кітапханамен таныстыру шарасы өтті.
Аталған шараға колледж директорының тәрбие ісі жұмыстары жөніндегі орынбасары Сакен Есеналиев және колледждің 1 курс білімгерлері мен топ жетекшілері қатысты. Шараны өткізудегі басты мақсат студенттерді кітапхана өмірімен таныстыру, олардың кітапқа деген қызығушылығын арттыру және әр мамандық иелеріне қажетті кітаптармен таныстыру болып табылады.
Кітапхана оқырманның білім негіздерін сапалы меңгеруде, жан-жақты шығармалармен таныстыруда атқаратын маңызы бар білім ордасы. Жаңа заман компьютер дәуірі болғанымен рухани азық іздіген, көзі ашық, көкірегі ояу әрбір адамның келер шаңырағы - кітапхана екені ежелден белгілі.
Міне, осындай мақсатта аталған іс шарада колледж кітапханашысы кітапхана тынысына шолу жасай отырып, әр мамандыққа сай жабдықталған кітап көрмесімен таныстыра келе, оқырманның негізгі міндеттері мен құқықтарын тілге тиек етті.
