«21 ғасырдың кітапханасы : жаңа формат»

Кітапхана оқырман үшін үлкен тәрбие мектебі, сансыз сұрақтардың жауабын табуға болатын сиқырлы да киелі орда. Кітапхана –оқырман өмірінің бір бөлігі. ХХІ ғасыр - білім мен ғылымның ғасыры. Бәсекеге қабілеттіліктің басты көрсеткіші - білім, ал білімнің кәусар бұлағы - кітап екені белгілі. Кітапхана кадрлары- кітапхананы дамытудың маңызды ресурстарының бірі.Әдістеме-библиография бөлімінің ұйымдастыруымен орталық кітапханада « 21 ғасырдың кітапханасы : жаңа формат» зерделі кеңес болып өтті. Зерделі кеңесті Қармақшы аудандық орталықтандырылған кітапханалар жүйесі КММ-нің директоры К. Қаниева ашып жүргізіп отырды. Онда « 21 ғасырдың кітапханасы : жаңа формат» атты ашық пікір алаңы болып, кітапханашылар жаңа форматтағы кітапханалар жайлы өз ойларын ортаға салды. Коворкинг -ағылшын тілінен аударғанда - бірге жұмыс істеу. Кітапханашылар сонымен қазіргі заман ағымынан қалмай ілесіп отыру үшін кітапханадағы коворкинг-орталықтарын ашу мүмкіндігі болса екендеген ой-пікірлерімен бөлісті.
Кітапханаларда «Астананың-20 жылдығына » орай атқарылып жатқан жұмымстарының барысы туралы «Астана-Ұлы дала Елордасы» атты тақырыпта Дүр Оңғар ауылдық модельдік кітапханасының кітапханашысы Р. Маханбетова айтып өтті. Ақтөбе ауылдық кітапханасы ның кітапханашы М. Шынарбаева «Ел жүрегі-Астана» атты тақырып бойынша атқарылған жұмыстарына тоқталды.
Астана қаласында өткізілген республикалық «Рухани қазына» атты Мәдениет және өнер қызметкерлері форумына қатынасып қайтқан ІІІ Интернационал ауылдық кітапханасының кітапханашысы Р. Тұрманован алған әсерлері жайлы әріптестеріне айтып берді. Зерделі кеңес «Арайлы таңдай-сұлу Астана» атты «Астана-20 жыл» жылдығына арналған сыр сандық ойынына ұласты.Зерделі кеңестің мақсаты: кітап білімнің қайнар көзі болса, кітапхана сол кітаптың алтын ұясы екенін аша отырып, болашақты алтын ұяға жетелеп бағыттау.