Кезектен тыс сессия отырысы өтті

Кент әкімшілігінің мәжіліс залында VII шақырылымдағы аудандық мәслихаттың кезектен тыс 24-сессиясы өтті.

Оған Қазақстан Республикасы Парламенті Сенатының депутаттары М.Бақтиярұлы және А.Әлназарова, аудан әкімі Ә.Ерсұлтанов, аудан әкімінің орынбасары Ж.Ерқосаев, кент, ауылдық округ әкімдері, дербес бөлім басшылары қатысты.

Сессия жұмысын аудандық мәслихат хатшысы, VII шақырылымдағы «AMANAT» партиясынан сайланған депутат Ә.Қошалақов ашып, жүргізіп отырды.

Сессияның күн тәртібінде алғашқы мәселе бойынша аудандық экономика және бюджеттік жоспарлау бөлімінің басшысы Ж.Ниматулла «Аудандық мәслихаттың 2021 жылғы 23 желтоқсандағы No113 «2022-2024 жылдарға арналған аудандық бюджет туралы» шешіміне өзгерістер енгізу туралы» баяндама жасады. Мұнан соң, 2022-2024 жылдарға арналған Төретам кенті мен ауылдық округтердің бюджеттеріне өзгерістер енгізу туралы Төретам кенті мен ауылдық округтердің әкімдері хабарлады.

Сессияның күн тәртібіндегі мәселелер бойынша аудандық мәслихаттың тиісті шешімдері қабылданды.

Сессия алдында тұрақты комиссиялардың бірлескен отырысы өткізілді.