Комиссия отырысы өтті

Аудан әкімінің орынбасары Жұлдызхан Байназарұлының төрағалығымен кәмелетке толмағандардың ісі және олардың құқықтарын қорғау жөніндегі аудандық комиссия отырысы өтті Комиссия отырысының күн тәртібінде «Балалар қауіпсіздігі мәселелері. Демалыс кезінде балалар арасында төтенше жағдайлардың алдын алу, болдырмау шаралары туралы» аудандық төтенше жағдайлар бөлімінің бас маманы Е.Назарқұловтың, «Жастар ресурстық орталығының кәмелетке толмағандар арасында құқықтық-ақпараттық түсіндіру жұмыстары туралы» Ж.Ильясовтың және сондай-ақ күн тәртібінен тыс мәселе ретінде О.Шораяқұлы атындағы №30 мектептің оқушысы Ж.Зұлпыхарға қатысты мектеп директоры Б.Дүйсембаевтың баяндамасы тыңдалып атқарылған жұмыстар жайы талқыланды.
Мәжіліс соңында аудан әкімінің орынбасары Ж.Ерқосаев комиссия мүшелерінің қозғалған мәселелер жайлы ұсыныс-пікірлерін тыңдап, алда атқарылатын жұмыстар бойынша барлық оқушылардың өмір қауіпсіздігі бағытындағы профилактикалық жұмыстарды, жаз мезгіліндегі бос уақыттарын тиімді өткізу, жастар және жасөспірімдер арасында құқық бұзушылықтың алдын алу мақсатында құқықтық түсіндірме жұмыстарын жүйелі жүргізіп отыру ұдайы назарда болу қажеттігін айтып, тиісті сала басшыларына нақты тапсырмалар берді.