Партияның «Кедергісіз келешек» жобасы аясында «Нұр Отан» партиясы Қармақшы аудандық филиалы төрағасының бірінші орынбасары, аудандық мәслихат депутаты Д.Буханов, «Аудандық әйелдер кеңесінің» төрайымы, мәслихат депутаты Г.Раева, аудандық халықты жұмыспен қамту орталығының маманы Е.Смайлов, Жосалы кенті әкімі аппаратының үйде әлеуметтік көмек көрсету секторының кеңесшісі Б.Бекенова кент орталығындағы мүмкіндігі шектеулі азаматтардың үйлерін ара…лап түсіндіру жұмыстарын жүргізді. Кездесу барысында аудандық партия филиалы төрағасының бірінші орынбасары Дастан Әбдібекұлы Елбасы Н.Назарбаевтың «Президенттің бес әлеуметтік бастамасы» атты халыққа үндеуіндегі айтылған бастамалар туралы, жобаның мақсаты мүмкіндігі шектеулі тұлғалардың өмір сүру сапасын көтеруге көмек көрсету туралы түсіндіріп өтті. Сонымен қатар «Нәтижелі жұмыспен қамту» бағдарламасы, кәсіптік білім алу, жұмыспен қамту мәселелері туралы Жосалы кентінің тұрғыны, ІІІ топ мүгедегі Ж.Құлысбаевтың қойған сұрағына орталық маманы Е.Смайлов тұщымды жауап беріп, аудандық халықты жұмыспен қамту орталығына келіп тіркелу қажеттігін айтып, мәселесінің оң шешілуіне ықпал ететіндігін түсіндірді.