Халық қалаулылары сайлаушылармен кездесті

Жосалы кентіндегі аудандық почта байланыс торабында аудандық мәслихат депутаттары Д.Буханов, К.Раева «Сырдария» сайлау округінің сайлаушыларымен кездесіп, көшпелі қоғамдық қабылдауларын өткізді. Қабылдау барысында «Нұр Отан» партиясы Қармақшы аудандық филиалы төрағасының бірінші орынбасары, аудандық мәслихат депутаты Д.Буханов Елбасы Н.Назарбаевтың «Президенттің бес әлеуметтік бастамасы» атты халыққа үндеуіндегі айтылған бастамалар туралы айтып, халық оң пікірде қабылдап жатқандығын жеткізді. Сонымен қатар өз сайлауалды бағдарламасы негізінде баяндама жасап, ауданда атқарылған шараларға тоқталып, алдағы мақсат-міндеттерімен бөлісті. Сайлаушылар тарпынан түрлі сауалдар қойылып тұщымды жауаптар берілді.