Қазақстан Республикасының Еңбек және халықты әлеуметтік қорғау министрі Серік Шәпкенов, облыс әкімінің орынбасары Бахыт Жаханов жұмыс сапарымен Қармақшы ауданына келді.

Алдымен Жосалы кентіндегі дене шынықтыру және спорт кешенінің құрылыс жұмысымен танысты. Іссапар кезінде аудан басшысы Қайрат Нұртай министр С.Шәпкеновке ауданда «Ауыл – ел бесігі» бағдарламасы аясында жүзеге асырылып жатқан жобаларды таныстырды.

Сондай-ақ, іс-сапар аясында министр С.Шәпкенов аудандық жұмыспен қамту орталығына арнайы келіп, жұмыс барысымен танысып, мамандармен ашық пікірлесті.

Әрі қарай күллі түркі елінің кемеңгер ойшылы «Қорқыт ата» кесенесін зиярат етіп, мемориалдық кешендегі Қорқыт ата мұраларын тамашалады.

Сапар соңында Ақай ауылдық округіндегі көшелердің орташа жөндеу жұмыстарын бақылап, ауданда атқарылып жатқан жұмыстарға оң бағасын беріп, алдағы жұмыстарға сәттілік тіледі.