Кентте жаңадан аяқ-су арықтары қазылуда
ЖОСАЛЫ, 26 мамыр – qarmaqshy-tany.kz Бүгін Жосалы кентіндегі Мұстафа Шоқай көшесінде жаңадан аяқ-су арықтарын қазу жұмыстары жүргізілуде, деп жазады аудан әкімінің баспасөз қызметі.
Тұрғындардың аулаларында жас ағаш көшеттері мен бау-бақша егуі үшін қолайлы жағдай жасау мақсатында үстіміздегі жылы 15 км көлемінде кентішілік аяқ-су арықтарын қазу жоспарланған.
Осы ретте Жосалы кенті бойынша Келменбет батыр, С.Айекенов, Қ.Шыңғысов, Ә.Әлиасқаров, Томанов, М.Шоқай, Қалқай ишан, С.Ысқақов, Рүстембеков, Қорқыт ата, Ораз ахун көшелерінде жаңадан аяқ-су арықтары қазылуда.
Сонымен бірге қазіргі таңда Жосалы кентінде орналасқан «Дендро» саябағы қайта қалпына келтіріліп, жаңадан ағаш көшеттерін отырғызу, аяқ-сумен қамту бағытында қарқынды жұмыстар жүргізілуде.
