Қармақшы аудандық тұрғын үй – коммуналдық шаруашылық, жолаушылар көлігі және автомобиль жолдары бөлімінің басшысы А.Байсыновпен Жосалы кенті әкімінің орынбасары Б.Жылтыровқа Жосалы кенті орталғындағы Наурыз, Мүсірбаев көшелері, Қасқыр Наметшаев көшесінің аяғы, Нақыпов көшесінің аяғы, Тоқтаров көшесінің маңындағы көлшіктің орнын, Б.Момышұлы көшесі тұйығының басы, Абыт көлінің айналасы мен Қармақшы электр тарату торабы маңайында орналасқан иесіз күл-қоқыстарды тазарту бойынша тиісті жұмыстарды жүктеді.

Сонымен бірге сол аумақтарда тұратын тұрғындардың ұсыныс пікірлерін тыңдап, сауалдары бойынша тиісті сала басшыларына жұмыс барысында ескеру керектігі айтылды. Одан кейін кенттегі «Дендро» саябағындағы көркейту-көгалдандыру жұмыстары мен аяқ-судың жіберілуі барысымен танысты.

Қазіргі таңда саябаққа әр түрлі сорттағы 8 мыңға жуық ағаш көшеттері отырғызылған. Бүгінгі күні бағбаншылар жас ағаш көшеттерін күтіп-баптап, қажетті аяқ-су мөлшерімен қамтамасыз етуде.

Сонымен бірге, аудан әкімінің орынбасары Жалғас Оңғарұлы Жосалы кентінің батыс бөлігіндегі Сарыөзек көлі аталған аумақта орналасқан шлюзді арнайы барып көрді. Тиісті сала мамандарымен кеңесіп, алдағы уақытта атқарылатын жұмыстарды саралады.

Тексеру қорытындысынан кейін Ж.Оңғарұлы жұмысшы тобымен бірге көркейту – көгалдандыру және санитарлық тазалық барысында атқарылатын жұмыстар бақылауда болатынын және аудандық тұрғын үй – коммуналдық шаруашылық, жолаушылар көлігі және автомобиль жолдары бөлімінің басшысы А.Байсыновқа, Жосалы кентінің әкімінің орынбасары Б.Жылтыровқа берілген тапсырмалардың мерзімінде орындалуын назарға алып отыруды жеткізді.