Санитарлық тазалық жұмыстары басталды

Аудан көлемінде көркейту – көгалдандырудың екі айлығы жарияланып, көктемгі санитарлық тазалық жұмыстары басталған болатын.

Жосалы кентінде орналасқан жеке меншік балабақшаларды, Абай көшесінің бойында орналасқан кәсіпкерлік нысандар мен мемлекеттік мекемелерді аралап, қазіргі жағдайын көзбен көрдім.

Осы кезеңге дейін ауданда алғашқы сенбіліктер ұйымдастырылып, санитарлық тазалықты жүргізудің іс-шаралары мен жауапты мекеме-кәсіпорындарды бекітіп, жұмысты қарқынды жүргізуді және нысандардың сәулеттік келбеті мен құрылыс нормаларының сақталуын тиісті сала басшыларына тапсырдым.

Көктемгі көркейту – көгалдандыру, санитарлық тазалықтың 2 айлығы барысын ауданымыздың тұрғындары да белсенділікпен атқаратынына сенімдімін. Себебі сенбілік жалпыхалықтық сипат алғанда ғана экологиялық жағдайдың жақсаруына жол ашылады.