ҚАРМАҚШЫДА 4 МЫҢ ТҮП АҒАШ ЕГІЛДІ

Бүгін аудан әкімі Мақашов Сұлтан Ысқақұлы бастаған аудан ардагерлерімен бөлім басшылары бірлесіп ағаш отырғызу акциясына қатысты.

«Бүкіл Қазақстандық ағаш отырғызу» акциясына Қармақшылық тұрғындарда өздерінің үлестерін қосып белсенділіктерін танытты.

Сенбілікке шыққан аудан тұрғындары мекеме қызметкерлері белгіленген аймақтар бойынша ағаш көшеттерін отырғызды.

Жосалы кентінің орталығындағы «Жастар саябағында», Абай көшесіндегі «Қобыз» ескерткіші маңына 100 жуық ағаш көшеттері егілді.

Жергілікті жердің ауа райына төзімді сыр талы, қара ағаш т.б. ағаш көшеттерін отырғызудың маңызы зор дейді тәжірибелі мамандар.

Жалпы аудан бойынша бүгінгі күні 4 мыңға жуық ағаш көшеттері отырғызылып, 10 жуық техника жұмылдырылды.

Ауданымызды көркейіп – гүлденуі бағытындағы атқарылатын шаралар алдағы уақытта да жалғасын таппақ.

Қармақшы ауданы әкімінің баспасөз қызметі