Мемлекеттік қызмет көрсету бойынша семинар өтті
ЖОСАЛЫ, 27 ақпан – qarmaqshy-tany.kz Қызылорда облысы бойынша Соттар әкімшісінің бас маманы Б.Рысмамбетов, «Азаматтарға арналған үкімет» мемлекеттік корпорациясы» коммерциялық емес акционерлік қоғамының Қызылорда облысы бойынша филиалы Қармақшы аудандық бөлімінің мамандары үшін семинар өткізді.
Іс-шара барысында мемлекеттік қызметті көрсетудің мерзімі мен мемлекеттік баж салығын төлеудің тәртібі түсіндірілді. Мемлекеттік баж салығының мөлшері АЕК-нің 50% мөлшерін құрайтындығы айтылды.
Сонымен қатар, сот органдарынан шығатын құжаттарға апостиль қою мемлекеттік қызмет көрсету бойынша қызмет алушылардың өтініштерінің қайтарылуын болдырмау мақсатында мемлекеттік қызметті сапалы және уақытылы көрсетуді қамтамасыз ету қажеттілігі айтылды.
Семинар қорытындысы бойынша апостиль қою арызымен жүгінген қызметті алушылар арасында тұрақты негізде әлеуметтік сауалнаманы жүргізу тапсырылды.
Аудандық соттың баспасөз қызметі
