Нұр-Сұлтанда тегін саяхаттауда

ЖОСАЛЫ, 21 желтоқсан – qarmaqshy-tany.kz Бала бойында білім нәрін себетін, адамгершілік дәнін егетін басты тұлға - ұстаз. Адам жанын нұрландырар ұғымының ұлысы – ұстаз. Тұңғыш Президент Н.Назарбаев халқымыздың болашағы туралы тереңнен толғай, «Мемлекетіміздің ең басты дүниесі тек қана табиғи байлық емес, сонымен қатар жасөспірім ұрпағы, өйткені олар- біздің ұлтымыздың болашақ айнасы» дегені мәлім. Олай болса, жас ұрпаққа білім мен тәрбие беретін ұстаз – баға жетпес биік тұлға.

Ұстаздық ұлы қасиет. Ұстаз – білім нәрімен сусындаған жан. Абай атамыз «сен де бір кірпіш дүниеге,кетігін тап та, бар қалан» деп айтқандай әр оқушыға білім беріп, оған өмірлік бағыт сілтеп өмірге «кірпіш» болып қалануына зор үлес қосушы- мұғалім. Білімді,жаны таза, рухы биік, Отаншыл тұлғаның бірі мектебіміздің бастауыш пәні мұғалімі Досанова Ораскүл апай. Ораскүл апайдан алғаш білім, тәлім-тәрбие алған шәкірттері қазіргі таңда бір~бір маман иесі атанып ұстаз абройын асқақтатып жүр. Сондай еңбектің нәтижесінің бірі 2018-2019 оқу жылының "Алтын белгі" иегері Жаңабаев Нұржалғастың бастауыш пәні мұғалімі Досанова Ораскүл апайымыз Нұр-Сұлтан қаласына тегін саяхаттауда. Міне ұстаз мәртебесінің асқақтап, еңбегі ақталды деген осы. Ораскүл апайымызға шығармашылық табыс, отбасына бақыт, береке тілейміз.