ЖОСАЛЫ, 27 қараша - qarmaqshy-tany.kz Мектеп ортасында жемқорлыққа қарсы тұру мәдениетін, рухани-адамгершілік және азаматтық-патриоттықтық тәрбие құрамында қалыптастыру бағдарламасы аясында №80 мектеп-гимназиясында 26 қараша күні тәрбие ісі жөніндегі орынбасарлары Б.Абдикадиров, Ж.Еспаеваның және мектеп тәлімгері Ф.Нұрабекованың, «Адал ұрпақ» ұйымының жетекшісі А.Шаймерденнің ұйымдастыруымен «Адал ұрпақ-мәңгілік ел болашағы» тақырыбында «Адал ұрпақ» ерікті мектеп клубтарының аудандық қауымдастығының ІІІ слеті өтті. Аудандық слетке Төретам кенті ақсақалдар кеңесінің мүшесі Нағметов Амитулла ағай, 2013- 2019 оқу жылдарында мектеп басшысы, қазіргі таңда ардагер ұстаз Алиева Райхан апай, аудандық білім бөлімінің әдіскері Тоқшылықова Ақтолқын апай қатысты. Іс- шара жоғары деңгейде өткізілді. Адал ұрпақ ұйымына мектебіміздің үздік 20 оқушысы қабылданды.Шара барысында рухани бай, жан- жақты дамыған дарынды оқушыларымыз өнерлерін көрсетті. Аудандық білім бөлімінің алғыс хатымен 8 «А» сынып оқушысы Жұмабекова Жұлдыз, 10 «А» сынып оқушысы Асылханова Арайлым, 8 «А» сынып оқушысы Роман Ақбота және ұстаздарымыз К.Алдажарова, М.Жайлашева, А.Шаймерден марапатталды.