"Аймақтар аламаны" жартылай финалда

ЖОСАЛЫ, 3 желтоқсан - qarmaqshy-tany.kz 8-22 қараша аралығында Қазақстан Республикасының Тұңғыш Президенті, Елбасы Н.Ә.Назарбаевтың «Болашаққа бағдар: Рухани жаңғыру», «Ұлы даланың жеті қыры» бағдарламалық мақаласы және 2019 жыл – Жастар жылы аясында аудандық мәдениет үйімен "Қармақшы жастары" ЖҚБ нің ұйымдастыруымен «АЙМАҚТАР АЛАМАНЫ» атты ауыл өнерпаздарының өнер фестивалі өткізілген болатын. Фестивалдің мақсаты ұлттық дәстүр, рухани ұстаным, ұлттық құндылықтарды дәріптеу, ауыл жастарының шығармашылығына серпіліс жасау болатын. Фестиваль барлық елді-мекендерде жоғары деңгейде ұйымдастырылды. Фестивалдің жартылай финалы желтоқсан айының 3 жұлдызында аудандық мәдениет үйінде сағат 14.00-де Иіркөл, Тұрмағамбет, Ақай, Жаңажол ауылдары арасында өткізіледі.