Фестивалдің шарттары бойынша арнайы жасақталған әділ қазылар алқасы Көмекбаев ауылы мен Қуаңдария ауылының өнерпаздарының өнерлерін сарапқа салды. Нәтижесінде Көмекбаев ауылы өнерпаздары жартылай финалға жолдама алды. Фестиваль барысында түрлі жанрлар бойынша танылмай жүрген талантты өнерпаздар сахна төрінен орын алып, Көмекбаев ауылынан халықтық орындау жанры бойынша Ораз Мұратбаев, «Аналар» ансамблі және Қуаңдария ауылынан аспапта орындау жанры бойынша Әптаев Еркебұлан, «Аналар» ансамблі ерекше өнерімен халыққа танылды. 

Сонымен қатар, аудандық мәдениет үйінің мамандары би, вокал, театр өнері жанрлары бойынша мастер класс көрсетіліп, ауыл жастарының шығармашылығына серпіліс жасады.