Жайдарман ойындары
Көмекбаев ауылдық округінің мәдениет үйінде "Қармақшы аудандық жастар ресурстық орталығы" және Көмекбаев ауылдық округ әкімдігімен "Қармақшы жастары" қоғамдық бірлестігінің ұйымдастыруымен аудандық жайдарман ойындарының 1/4 финалдық ойыны өткізілді. Ойынға Ақтөбе ауылдық округінде өткізілген маусымашар жайдарман ойынынан жолдама алған 11 команда қатысты.
Ойын 2 кезеңді қамтыды (Сәлемдесу, жамбы ату), Сайыс қорытындысы бойынша 1/2 финалдық ойынына 8 команда жолдама алды. Сонымен қатар, Көмекбаев ауылдық округінің кубогі ойнатылды. Ойын нәтижесі бойынша жүлделі ІІІ орынды "Менің сүйікті құрамам" (Төребай би а,о) командасы иеленсе ІІ орынды "Жаңа қала жастары" (Көмекбаев а.о) құрамасы еншіледі. Ал, үздік өнер көрсетіп, көзге түсіп І орынды №250 мектеп жанынан құралған "Қармақшы жастары" құрама командасы иеленді.
