Жарыс сәлемдесу және жамбыату (биатлон) турлары бойынша өтті. Жайдарманға барлығы тоғыз команда атап айтар болсақ, «Интер жастары», «Лицей еркелері», «Бұзықтар», «Төретам жастары», «Ерекше жандар», «Гүлекеңнің сіңілдері», «Мөлтек сити», «Көз тимесін», «Үміткерлер» құрама командалары қатысты. Осы командалардың ойынына  төрелік еткен қазылар алқасы  құрамында аудандық білім бөлімінің психологі Ғ.Ермаханова, «Қорқыт елі» КТК лигасының директоры М.Рауанов, Қармақшы су шаруашылығы учаскесінің басшысы Е.Бодыбаев, аудандық ішкі саясат бөлімінің маманы С.Әбдісәлімов, Қармақшы аудандық денешынықтыру және спорт бөлімінің статисті С.Бүркітбаевтар болды.

    Сайыс қорытындысы  бойынша оқушылар үйінің атынан қатысқан «Бұзықтар» командасы І орынды, Ақтөбе ауылынан келген «Көзтимесін» ІІ орынды және Төребай би ауылынан келген «Үміткерлер» құрама командасы ІІІ орынды иеленді. Жайдарманға белсене қатысқан қалған командаларға да, алғыс хат пен бағалы сыйлықтар табыс етілді.