МАҚСАТ – ЖЕМҚОРЛЫҚСЫЗ ҚОҒАМ ҚАЛЫПТАСТЫРУ
«Қорқыт елі – Қармақшы» жастар қоғамдық бірлестігі және «Жастар ресурстық орталығы» КММ-нің ұйымдастыруымен аудандық Жыраулар үйінің алаңында «Адал жол» сыбайлас жемқорлыққа қарсы марафоны өтті. Марафонға аудан көлеміндегі ҮЕҰ-дың өкілдері, аудан жастары және қоғамдық ұйым өкілдері белсене араласты. Аудандық «Жастар ресурстық орталығы» КММ-нің директоры М.Ибраев сөз сөйлеп, сыбайлас жемқорлыққа қарсы заңнаманың 20 жылдығына орай ұйымдастырылған шараның негізгі мақсатына тоқталып өтті. Шарада мектеп оқушылары мен ауданымыздың белсенді жастары жемқорлыққа қарсы ұсыныс-пікірлерін айтып, алдағы уақытта да белсенділікпен қатысатынын сөз етті. «Жастар – сыбайлас жемқорлыққа қарсы» деген ұранмен биледі. Алдағы уақытта марафон аясындағы шаралар өз кезегінде жалғасын таппақ.
