Қоғамда сыбайлас жемқорлыққа қарсы мәдениетті қалыптастыру мақсатында «Адал жол – Честный путь» марафоны Қызылорда қаласынан бастау алып, одан кейін Арал мен Қазалы аудандарында жалғасын тапты.
Қазалы ауданының Әйтеке би кентіндегі орталық алаңда осы аталған марафон эстафетасын көршілес Қармақшы ауданына беру рәсімі өтті. Қазалы ауданы әкімі аппаратының басшысы Жалғасбаев Нұрғиса Жаппарбергенұлы «Адал жол» атт…ы сыбайлас жемқорлыққа қарсы марафонның ақ туын «Нұр Отан» партиясының Қармақшы аудандық филиалы төрағасының бірінші орынбасары Буханов Дастан Әбдібекұлына салтанатты түрде табыс етіп, сәттілік тіледі. Қармақшы ауданында сыбайлас жемқорлыққа қарсы «Адал жол – Честный путь» марафоны аясында әр түрлі бағытта іс-шаралар жүргізілетін болады. Атап айтқанда жастар флэш мобы, кітап көрмесі, тақырыптық кездесулер, жасөспірімдер арасында дзюдодан аудандық ашық біріншілік өткізу жоспарланып отыр.