Жуырда аудандық ішкі саясат бөлімінің мемлекеттік тапсырысы шеңберінде «Қорқыт елі – Қармақшы» жастар қоғамдық бірлестігінің ұйымдастыруымен 21-сәуір күні ҚР Қарулы күштерінің 26 жылдығына арналған «Біз болашақ сарбаздар» атты әскери-патриоттық сайыс өтті. Байқаудың мақсаты – жастардың бойындағы отанға деген сүйіспеншілігін арттыру, әскери қызыметті насихаттау. Сайысқа аудандық ішкі істер бөлімінің жол полиция потрульдік тобының аға лейтенанты А.Жұмабаев, аудандық білім бөлімінің әдіскері Ә.Еркешов, аудандық ішкі саясат бөлім басшысының у.м.а Ғ.Нысанбаев төрелік етіп, нәтижесінде 100 метрге жүгіру, противогаз киіп-шешу, автоматты уақытқа шашып-жинау, қол күрес, арқан-тартыс, гір тасын көтеру, нарматив элементтерін көрсету секілді ережелер бойынша бақ сынасты.